{{ 'fb_in_app_browser_popup.desc' | translate }} {{ 'fb_in_app_browser_popup.copy_link' | translate }}

{{ 'in_app_browser_popup.desc' | translate }}

TEADDICT 5週年 "阿鳳"設計主題

5週年特別版的包裝設計，以TEADDICT ICON"阿鳳"為主角。今次品牌誠邀台灣插畫師LALA 畫出茶主心目中的彩鳳，希望大家喜歡!

Logo上的"茶鳯"與"啡鳳"

大家有無留意到 TEADDICT Logo有兩隻雀仔喺個名上面呢? 有客人以為佢哋係鸚鵡或鴨仔，連茶主嫲嫲都以為佢哋係鵪鶉 (🤦🏻‍♀)!

而家正式同大家介紹返，佢哋兩隻其實係彩鳳嚟㗎~~點睇得出? 留心睇下佢地面頰上有兩點斑 (係彩鳳嘅特徵 😊)。

大家或者會問：彩鳳都無紅色同啡色嘅?

係呀，雖然彩鳳有好多唔同既顏色，就係無啡色同紅色。揀呢兩隻色嘅原因，因為佢地代表紅茶(紅色)同咖啡(啡色)，而啡色果隻仲含住條茶葉，代表著我哋嘅產品之一 - 鴛鴦。

仲有仲有，佢地背對背唔係因為嬲左對方，係啡鳳想送茶葉俾茶鳳，有D怕羞咋 😝😝😝 如果細心D睇，佢地有互相對望架~~

茶主與”彩鳳”

TEADDICT® LOGO為何是一對彩鳳?

品牌標誌，原是茶主兒時最心愛的寵物，回想當年生活點滴，總有牠們貼身相伴。所以當茶主要成立品牌的時候，第一時間就想到要以“彩鳳”作為品牌標誌，就好像“彩鳳”仍然時刻與她並肩作戰。

 

“佢哋都係我嘅家人……

我讀小學嘅時候，有日喺學校門口見到一隻藍色彩鳳，因為佢太可愛，所以我伸手想同佢玩，佢竟然跳上我隻手😱!! 就係咁我就抱咗佢返屋企，從此藍藍就成為咗我家中嘅一份子🦜!” 茶主笑說當年遇上彩鳳的一刻。

 

“可惜藍藍陪咗我短短一兩年就離開咗，嫲嫲見到我好傷心，就帶我去買另一隻藍色彩鳳返屋企🥰。呢位新成員非常活躍，整日唱歌跳舞，吱吱喳喳，所以佢叫阿喳!” 茶主回憶道。

 

“呢兩位成員都係以放養方式喺我屋企生活，我嘅一切活動 (除左返學同沖涼瞓覺外) 都有佢哋嘅貼身陪伴，佢哋常常在我肩膀上近距離與我互動，記得當年做功課時佢哋都會陪伴在側。所以當我要成立品牌嘅時候，第一時間希望有佢哋嘅陪伴同參與。”

—TEADDICT®茶主 (2020年1月) 

阿喳的羽毛

茶主兒時没有拍照的習慣，但阿喳的一根羽毛，茶主保留至今。

與彩鳳一起的點點滴滴，成為茶主心中最珍貴的回憶。

茶主最愛的品牌大使

TEADDICT® 嚟到第5個年頭，有賴大家一直以來嘅支持!

由現在起，就讓TEADDICT®Budgies成為我哋嘅品牌大使，希望大家對我哋嘅產品同錫蘭茶有更多嘅認識同了解~~ 

brand

Guy The Budgie Boy

茶主現時飼養的一對小彩鳳，Guy & Oille

(攝於2019年) 

brand

Ollie The Budgie Girl

TEADDICT Budgies

此頻道記載彩鳳Guy & Ollie 的生活點滴，佢哋既係茶主的心愛寵兒，亦是精神上的親密戰友!