Logo上的"茶鳳"與"啡鳳"

大家有無留意到 TEADDICT Logo有兩隻雀仔喺個名上面呢? 有客人以為佢哋係鸚鵡或鴨仔,連茶主嫲嫲都以為佢哋係鵪鶉 (🤦🏻‍♀)!

而家正式同大家介紹返,佢哋兩隻其實係彩鳳嚟~~點睇得出? 留心睇下佢地面頰上有兩點斑 (係彩鳳嘅特徵 😊)。

大家或者會問:彩鳳都無紅色同啡色嘅?

係呀,雖然彩鳳有好多唔同既顏色,就係無啡色同紅色。揀呢兩隻色嘅原因,因為佢地代表紅茶(紅色)同咖啡(啡色),而啡色果隻仲含住條茶葉,代表著我哋嘅產品之一 - 鴛鴦。

仲有仲有,佢地背對背唔係因為嬲左對方,係啡鳳想送茶葉俾茶鳳,有D怕羞咋 😝😝😝 如果細心D睇,佢地有互相對望架~~

茶主與”彩鳳”

TEADDICT® LOGO為何是一對彩鳳?

品牌標誌,原是茶主兒時最心愛的寵物,回想當年生活點滴,總有牠們貼身相伴。所以當茶主要成立品牌的時候,第一時間就想到要以“彩鳳”作為品牌標誌,就好像“彩鳳”仍然時刻與她並肩作戰。

 

佢哋都係我嘅家人……

我讀小學嘅時候,有日喺學校門口見到一隻藍色彩鳳,因為佢太可愛,所以我伸手想同佢玩,佢竟然跳上我隻😱!! 就係咁我就抱咗佢返屋企,從此藍藍就成為咗我家中嘅一份子🦜!茶主笑說當年遇上彩鳳的一刻。

 

可惜藍藍陪咗我短短一兩年就離開咗,嫲嫲見到我好傷心,就帶我去買另一隻藍色彩鳳返屋企🥰。呢位新成員非常活躍,整日唱歌跳舞,吱吱喳喳,所以佢叫阿喳!” 茶主回憶道。

 

呢兩位成員都係以放養方式喺我屋企生活,我嘅一切活動 (除左返學同沖涼瞓覺外) 都有佢哋嘅貼身陪伴,佢哋常常在我肩膀上近距離與我互動,記得當年做功課時佢哋都會陪伴在側。所以當我要成立品牌嘅時候,第一時間希望有佢哋嘅陪伴同參與。

TEADDICT®茶主 (20201

阿喳的羽毛

茶主兒時没有拍照的習慣,但阿喳的一根羽毛,茶主保留至今。

與彩鳳一起的點點滴滴,成為茶主心中最珍貴的回憶。

茶主最愛的品牌大使

TEADDICT® 嚟到第5個年頭,有賴大家一直以來嘅支持!

由現在起,就讓TEADDICT®Budgies成為我哋嘅品牌大使,希望大家對我哋嘅產品同錫蘭茶有更多嘅認識同了解~~ 

Guy The Budgie Boy

茶主現時飼養的一對小彩鳳,Guy & Oille

(攝於2019年) 

Ollie The Budgie Girl

TEADDICT Budgies

此頻道記載彩鳳Guy & Ollie 的生活點滴,佢哋既係茶主的心愛寵兒,亦是精神上的親密戰友!